یەکێتی هاوردە و ناردنکارانی هەرێمی کوردستان

ئاگاداری

تا ٥/۱۲/۲۰۱۹ ناوسین بەردەوام دەبێت هاوردە و ناردنکاران بۆ پێشانگایەکی فەرش بانگهێشت کراوە

12
11/29/2019 12:00:00 AM
زیاتر بخوینەرەوە

یەکێتی هاوردە و ناردنکاران ڤیزای ئێران بۆ ئەندامان بەبێ بەرامبەر دەستەبەر دەکات

12
6/17/2019 12:00:00 AM
زیاتر بخوینەرەوە

گۆشەی ئابووری / ستراتیژی خۆ گونجاندن لەگەڵ قەیراندا

گۆشەی ئابووری / ستراتیژی خۆ گونجاندن لەگەڵ قەیراندا

 

سەرمایەداری لە سەدەکانی ئێستادا ئابووری جیهانی وەك تۆڕی جاڵجاڵۆکە بەستووە بە یەکەوە کە ناتواندرێت یەکێکیان لەوانی دی دابڕیت و توانای ژیانکردن و گەشەسەندنی هەبێت.

ڕاستە ململانێی ئایدۆلۆجی زۆر کاڵبۆتەوە و کۆی کێشەکان لەسەر بەرهەمهێنان و بازرگانی چر بپتەوە، بەڵام ململانێیەکی تر هەیە کە بریتیە لە بەرژەوەندی باڵادەستی (التفوق) تەکنۆلۆجی لەسەر ئاستی ناوچەگەری (الاقلمە) و لەسەر ئاستی جیهان. بە مانایەکیتر، هەژموون بەسەر کۆی فاکتەرە بزوێنەرەکانی ئابووری جیهان کە لە ناوەرۆکدا بریتیە لە تەکنەلۆجیاو داهێنان، بەڵام ئەوەی دژواریە جیهانیەکەی دروست کردووە، ئەم ململانیە تەکنۆلۆجیایە جۆرێك لە خۆگواستنەوەی تیایە لە جیهانێکی پڕ ڕەهەندی قەیران بۆ بومولەرزەیەکی پێش سەقامگیری کە بە پێی لایەنی کەم بیرمەندە جیهانیە ئابووریەکان ٣ بۆ ٥ ساڵ دەخایەنێت. ئەوەی ئەم ئایدیایە پشتڕاست دەکاتەوە زۆر لێکچونی کۆی ئاماژە ئابووریەکانی سیستمی جیهانیەکانی ئێستایە کە کۆی جومگە سەرەکیە ئابووریەکانی جیهانی گرتۆتەوە لەسەر گۆی ئەم هەسارەیە، کە تێیدا ڕۆڵی دامەزراوەی جیهانی وەك نەتەوەیەکگرتووەکان و ئەنجومەنی ئاسایش و مافی مرۆڤ و هاوکاری نێودەوڵەتی لاواز و شکست خوارو کردووە. بۆیە سیستمی جیهانی دامەزراوەی سەرپەرشتیکردنی ئاسایش و سەقامگیری جیهانی زۆر بە لاوازی پەیڕەو دەکات بۆ ئاستێك ململانێ جیهانی و ئەقلیمیەکان لە پاشاگەردانی ئەو سەرکردایەتیە شکستخواردەدا ئازادی زۆر گەورەیان بە چالاکیەکانیان داوە چ لە ڕووی تەکنۆلۆجیای سەربازیەوە (خۆپڕچەك کردن، داهێنانی تازە، مانۆڕی سەربازی، پێشبڕکێی بە سەربازیکردنی بۆشایی ئاسمان ، تاقیکردنەوەی چەك لە شەڕە ناوچەییەکاندا ... هەدا دوایی) ، چ لە ڕووی میحوەربەندی ئابووریەوە (ململانێی ئەمریکا و چین و ڕوسیا و ئەوروپا).

ئێشتا پرسیارێکی گرنگ دێتە پێش ئایا لەژێر چەتری ئەم سیستمی جیهانیەدا چی دەگوزەرێت؟

شەڕێکی فراوانی بە وەکالەتی ناوچەیی (الاقلیمی) و ناوخۆیی (المحلی) کە گۆڕەپانی گەرمی ئەم شەرە ڕۆژهەڵاتی ناوەڕاست و قاڕەی ڕەشە، کە تێیدا هەردوو جۆر شەرەکەی تیا بەرپا بووە و کۆی جیهان ئامادە دەکات بۆ بەریەكکەوتنی سەرانسەری بە پێی پێگەیشتنی بارو زروفی بابتی و خۆیی هێزە بەگژیەکدا چووەکان.

لەسەر ئاستی جیهانیش میحوەربەندیەکی گەورە دەستی پێکردووە و گەشە دەکات پێ بەپێی پێگەشتن و کامڵبوونی شەرە بە وەکالەتەکان . ئەم ململانێ جیهانیەش باکگڕاوندی ئابووری و تەکنەلۆجی خۆی هەیە، لە پێش هەموویانەوە قەیرانی ئابووری ئەمریکا و ئەوروپایە. لە پاش کۆتایی شەڕی جیهانی و هاتنەکایەی سیستنی دارایی جیهانی برینتودز لە ساڵی ١٩٤٤، دۆلاری ئەمریکا بووە بە دراوی نێودەوڵەتی و تا ئاستێکی زۆر ئابووری جیهانی خستۆتە بەرژەوەندی خۆیەوە. بەڵام پاش نزیکەی حەفتا ساڵ و بەرژەوەندخوازی ئەمریکا لە ڕێگای دراوەکەیوە ئێستا ئەمریکا کەوتۆتە قەترانێکی دارایی گەورەوە. ئێستا قەرزی کەڵەکەبووی ئەمریکا دەگاتە نزیکەی ١٠٧% لە کۆی بەرهەمی نەتەوەیی (GDP) کە پێویستە هییچ کاتێك لە ٦٠% تێنەپەڕێت. ئەمریکا خۆی بەرهەمهێنەری نەوت بووە و پێویستی بە نەوتی هاوردە نەبووە بەڵام ئێستا پێچەوانە بۆتەوە و کڕیارێکی گەورەی نەوتی جیهانیە بۆیە هەمیشە گوشار لە دابەزینی نرخی نەوتی جیهان دەکات. ئەم قەیرانە تەنها ئەمریکای نەگرتۆتەوە بەڵکو ئەوروپاشی بە گشتی گرتۆتەوە، ئێستا قەرزی جیهانی گەیشتۆتە نزیکەی ٢٤٤ ترلیۆن دۆلار واتە زیاتر لە سێ هێندەی بەرهەمی (GDP) واتە ٣١٨% لە ساڵی ٢٠١٩ ، قەرزی یابان دەگاتە ٣٠٠% بەراورد بە بەرهەمی نەتەوەییەکەی، تێکڕای گەشەی ساڵانەی ئابووری ئەوروپا لە أیر سفرەوەیە یان لە باشترین حاڵەتدا دەگاتە ١% واتە ژێر تێکڕای گەشەی دانیشتوان.

کۆی ئەم قەیرانە داراییە بەرەو قەیرانی ئابووری و تەکنۆلۆژی دەڕوات و لە کۆتایشدا بۆ دروستکردنەوەی باڵانسی ئابووری جیهانی دەبێت کۆی جیهان لەسەر سیستمێکی تری ئابووری و سیاسی و سەرکردایەتی جیهانی ڕێك بکەون چ بە ئاشتی بێت یان بە ڕێککەوتن ، گۆڕانکاریە جیهانیەکانیش لە ١٢٠ ساڵی ڕابردوو ئەوەمان بۆ پشتڕاست دەکاتەوە بە تایبەتی پێش شەڕە جیهانیەکان .

پەتای کۆرۆناش هاتۆتە سەرباری بۆ ئەم قەیرانە جیهانیەو زۆر هاوکار دەبێت بۆ تەقاندنەوەی ململانێ جیهانیەکان کە ئێستا جیهان پێیناوەتە ناو سەرەتاکانی ئەم تەقاندنەوە جیهانیەو بە تایبەتی هەڵکشانی شەڕی بە وەکالەت بە تایبەتی لە ڕۆژهەڵاتی ناوەڕاست و باکوری ئەفریقیا و میحوەربەندی جیهانی نوێ لە ژێر کاریگەری تونبوونی ململانێی نێوان دوو قوتبە جیهانیەکەی چین ە ئەمریکا کە هەم خۆیان لە کێبڕکێی سیاسی و ئابووریەوە ( شەڕی بازرگانی، گەڕانەوە بۆ سنووری نەتەوەیی، کشانەوەی ئەمریکا لە ئیلتیزاماتە ڕێکخراوەییە جیهانیەکانی وەك کەش و هەوا، تەندروستی جیهانی، بازرگانی جیهانی WTO ... هەتا دوایی ، بە ئامانجی باشکردنی وەزعی دارایی و ئابووری ئەمریکا) پەڕیونەتەوە بۆ چاوپۆشی کردن لە شەڕە بە وەکالەتەکان، ململانێی تەکنۆلۆجیای زانیاری و تەکنۆلۆجیای زیرەکی دەستکرد ، زۆربوونی مانۆڕی سەربازی ، پێشبڕکێی تەکنۆلۆجیای سەربازی.

بۆیە کۆی ئەم وەزعە سیاسی و ئابوریە بە هاتنی کۆرۆنا دژوارتربووە و جیهانی بە ئاڕاستەیەك بردووە کە دەتوانین بڵێین دنیای پێش کۆڕۆنا و دوای کۆڕۆنا.

دنیای دوای کۆڕۆنا بریتیە لە دنیای تەکنۆلۆجیای زیرەك ARTIFICIAL INTELLIGENCE TECHNOLOGY (AI) کە فۆکەسی جیهانی دەچێتە سەر خۆراك و دەرمان و هاووڵاتی دیجیتاڵ و داهێنانی تەکنۆلۆجی.

کەواتە دنیای داهاتووی سەقامگیر (سیستمی نوێی جیهانی) فۆکەسی لەسەر ئەو بوارانە دەبێت و چاخێکی (عصر) تازە دەست پ

ێدەکات پاش دەربازبوون لە تەنگژەی کۆتایهاتنی جیهانی تاك جەمسەری.

ئێمەی ڕۆژهەڵاتیش ئەگەر بمانەوێت شەمەندەفەرەکە جێمان نەهێڵێت دەبێت ببین بە هاوڵاتی دیجیتاڵ کە هەموو شت طێیدا گۆڕاوە و ژیان و تەمەن و فێرکردن و پەیوەندی و زمان و تەندروستی ... هەتا دوایی . ئەمەش ئەوە ناگەیەنێت کە ماوەی زەمەنی زۆری دەوێت، نەخێر ئەم گۆڕانکاریە ئێستا دەستی پێکردووە و لە ماوەیەکی کورتدا داهاتوو کە لە ٤ بۆ ١٠ ساڵ تێپەڕ ناکات.

نووسینی : محمد کریم محمد / ماستەر لە ئابووری


تازەتریــــن هــــەواڵ

کۆبوونەوەی نێوان سەرۆکی یەکێتی هاوردەو ناردنکاران و سەرۆکی ژووری بازرگانی قەزوین

لە درێژەی پەرەپێدانی پەیوەندیە بازرگانیەکانی نێوان هەرێمی کوردستان و وڵاتانی دراوسێدا سەرۆکی گشتی یەکێتی هاوردەو ناردنکارانی هەرێمی کوردستان و  س

زیاتر بخوینەرەوە

گۆشەی ئابووری / ئابووری عێراق ... دەرزی بەنجەکەش کۆتاییهات

دوای ئەوەی حکومەت داوای لە پەرلەمان کرد یاسایەکی قەرزکردنی بۆ دەربکات توانی بەشی سێ مانگ مووچە دابین بکات کە مانگەکانی (۷ـ٨ـ۹) بوون، ئەمە وەک دەرزیەکی

زیاتر بخوینەرەوە

بەپەلەبۆ هه‌ر پرس و رایه‌ك په‌یوه‌ندی بكه‌ به‌ (07703646964)